مادو 2009

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقه عمل الممبار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جودي
المديرة العامة
المديرة العامة
avatar

الجنس : انثى
العمر : 29
الجدي
189
نقاط : 406
تاريخ التسجيل : 21/02/2009
المزاج : عادي

مُساهمةموضوع: طريقه عمل الممبار   الإثنين يوليو 13, 2009 9:43 am

الممبار (الفوارغ)

اولا عملية الغسل

تجيبى الممبار بالكمية المناسبة ليكى
وبعدين تقلبية يعنى تخلى داخل الممبار من الخارج
وبالسكين تبدأى تشيلى الطبقة اللذجة اللى عليه، وبحذر حتى لا يهترئ ويقطع
وبعدين تدعكيه بملح كويس جدا وبعدين تغسليه بماء جارى كويس جدا جدا جدا
يراعى يا اخوات عملية الغسل دى كويس جدا

بعد ما غسلنا الممبار نحشية من الداخل بخلطة ارز وممكن لسهولة الحشو تقسمى الواحدة الطويلة من الممبار الى جزئين
ولكى خيارين فى الخلطة المستخدمة:

اما تحشية بأرز بخلطة زى بتاعة المحشى بالضبط
او انك تستعملى مع الارز خلطة نى فى نى ودى الممبار بيها بيكون اطعم وطريقتها:
تقطعى الطماطم قطع صغيرة وكذلك البصل والخضرة (بقدونس وشبت وكزبرة)وتضيفى عليهم الارز المغسول والمصفى جيدا وتضيفى كمان عليهم زيت وتوابل( فلفل اسمر و بهار وقليل من الشطة الحمراء )وللعلم ان الاكلة دى لما تكون متبلة كويس ومشطشطة بتكون الذ بكتيييييير
تبداى تحشى الممبار من الداخل وتراعى ان لا يكون مملوء لا زم يكون فى من الداخل فراغ علشان هو هيكش والارز هيزيد فممكن الممبار يتقطع لا قدر الله والارز يخرج منه وبكدة تكون الكلة باظت
بعد ما تنتهى من حشو الممبار ودة هياخد منك وقت مش قليل تكونى مجهزة ماء على النار لحد لما يغلى تبداى تحطى الممبار فى الماء المغلى ويكون بكميات قليلة يعنى مش كله مرة واحدة وتنتظرى لحد لما يستوى وتختبرى السوا بغرز شوكة فى واحدة ممبار بس تاخدى بالك لاحسن يتقطع
بعد تمام سواء الكمية كلها تكونى مصفياها من ماء السلق فى مصفاة
تجهزى طاسة فيها زيت (أو سمن بلدي) وتبدأى تقلبيه فى الزيت لحد لما يحمر من جميع الجهات وتخرجى على ورق مناديل للتخلص من الزيت الزيادة وبعدين تقطعيه بسكين حاد لشرائح مستديرة وترصيه فى طبق.

ودى الطريقة اللى اعرفها

وبالف هنا وشفا وما تنسوش تدعو لى بس اوعوا تدعوا عليا

طريقة اخرى

العظبان{الممبار)

طريقة التنظيف طبعا عارفينها

مقادير الخلطه

أرز{حسب عدد أفراد الأسره}
حزمة بقدونس وشبت وكسبره خضراء
فلفل أسود بس كتروه شويه
5 ملاعق زيت
ملعقتان سمن أو زبده
2بصله متوسطه
الملح

الطريقة

تخرط الخضره مع البصل
ثم يغسل الأرز جيدا وتوضع عليه كل المقادير
متنسوش الصلصه أو عصير الطماطم
تقلب الخلطه جيدا ثم يحشى العظبان
قبل أن تحشى العظبان ضعى حله {طنجره}كبيره على النار
وإملئيها حتى ربعها أو أعلى قليلا
وإتركيها حتى تغلى
وضعى فيها قليلا من الخلطه ولكن بدون الأرز{فقط قليل من الخضره مع الصلصه}
وضعى العظبان فى الماء المغلى وإرقبيه حتى يسوى{وذلك بالضغط عليه بملعقه}
ثم أخرجى العظبان
إقدحى السمن حت تقلى العظبان
ما بقى فى الحله فهو للشوربه{وهى رائعه}
وللفته
نحمر الخبز ونضع عليه الأرز الذى خرج من العظبان أثناء غليه والشوربه
وبالهناء ولشفاء
الرجوع الى أعلى الصفحة اذهب الى الأسفل
 
طريقه عمل الممبار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مادو 2009 :: عالم حواء :: مطبخ جودى-
انتقل الى: