لية صديقتك ومش امك

كل بنت لما بتكبر بتحتاج يكون الها رفيقه وصديقه واخت وام بنفس الوقت
البنت في فترة المراهقه اللي هي اصعب الفترات بتحتاج تحكي وتاخد رأي غيرها
كرمال ما تغلط ولا توقع بأي غلط سواء كبير او صغير
في بنات بيختارو صديقه الها
تكون مقربه منها
او صديقه طفوله عايشه معها لبين ما كبرت وصارت صبيه
بتلاقيها مصدر ثقه لكل شي بحياتها
وكل الخصوصيات
في بنات بتكون مصاحبه امهاتون
مع ان هيدى بيكون نادر شوي
ان البنت في مجتماعتنا تحكي كل شي للام
يعني مشاكلها العاطفيه و الاجتماعيه
وفي بنات مستحيل يحكو للام وهيدى لاكتر من سبب
يمكن لان الام كبيرة ومن الجيل اللي ما بتقبل ان بنتها تحب او يكون الها اصدقاء شباب
لان زمنها غير زمننا وما راح تتقبل ان بنتها يكون الها اصدقاء شباب فمابالك بحبيب
او يمكن لان الام من كتر خوفها ع بنتها ما راح تقبل انها تحكي
شباب او تكون الها علاقه حب مع حدا
فالبنت عارفه امها وعارفه انو مستحيل تخليها تعمل هيك
فكيف راح تخليها تكون على علاقه وفي النوركمان
مش عدم ثقه في البنت طبعا انما خوف عليها من غدر وظلم ممكن تتعرضلها

وعلى فكرة
وحيات الله الامهات معون حق يديرو بالهون كتير علينا بخصوص صحاب الشباب او علاقه الحب
يعني من كتر ما في مشاكل بتحصل من حقهون يخافوا ومش لازم نسميه تخلف من الامهات على حسب كلام ما ما البعض بيقولو عنهون
بالعكس هيدى مجرد خوف مو اكتر
ولازم نعرف نختار الكويس كرفقات واصحاب وحبيب طبعا



قوليلي انتي
مين صندوق اسرارك ؟
او خصوصيات علاقاتك
لو حبيتي راح تقولي لامك انك حبيتي ولا راح تخبي ؟ وليش ؟
ولو بتحبي ... امك بتعرف بعلاقتك ولا مخبيها عنها ؟ وكمان ليش ؟
لما بتحتاجي لشي او اخد راي او لفضفضه
ممكن تحكي او ترتاحي تحكيها اكتر شي لامك ولا لصديقتك؟



بالآخر بدي قول شغله كتير مهمه
والله قد ما صديقتك بتحبك وبتخاف عليكي ما راح تجي شي ادام الام وحب و خوف الام
ولو صار بينك وبين رفيقتك شي ممكن تخونك وتحكي عنك لناس ...قولنا ممكن لان الكل مو متل بعض
بس الام عمرها ما بتخون البنت اللي هي جابتها ولا ممكن تفضح اسرار بنتها لحدا
والام دايما بتتمنى ان بنتها تكون احسن من الدنيي كلها حتى منها نفسها
هيدا كلام امي الله يرحمها
بحب اني كون احسن من كل الدنيي يا نسرين الا انتي
بحبك تكون احسن مني ومن الكل

ياريت كلنا نقدُر هيدا الشي ونعرفه