على باب سفارة كندا

بسم الله الرحمن الرحيم

على باب سفارة كندا

لمحت ابليس وفى ايده استمارة

سالته على فين

قاللى بص يا هجرة يا اعاره

يا اخى زهقت طهقت

ما لقيش معاك سجارة

انا انتهيت خلاص

مبقاش بقى وسواس ولا خناس

وما ليش عيش بين الناس

دول عالم مجرمين

عندهم فائض فالفساد

موجود فى كل البلاد

ومش محتاجين شياطين

ماليش عيش فى البلد دى

بقالى سنين عايش عاطل

وانتو بتعرفوا

تقلبو الحق باطل

وتسلكوا القاتل

وتمشوا فجنازة المقتول

ومفيش مشاكل عندكوا

يا عم انا بقيت اوسوس بالمقلوب

واقول للحرامى كفايه بقى توب

انت هتعمل كل الذنوب دى لوحدك

وانا ابليس اشتغل واعظ !

واكنى كمسرى فى اتوبيس

يا عم انا زمان كنت استنى حد ينسى يسمى

وهو بياكل لقمته

دلوقتى اكلكم ملوث

والواحد خايف على صحته

ده مفيش ضمير

اصلا عشان اموته

وكل واحد بمزاجه

خربانه زمته

يا عم ده كل حاجه اتسرقت

وكده الاجيال الجديده

من الحراميه اتظلمت

يا راجل ده من كترالضلم

خرجت فمظاهرة

مع الناس اللى بيقولو

كفايه كده حرام

وبردو مفيش فايده


مع السلامه بقى

.. .. .. .. .. .. .. .. ..
[center]

الله بجد خاطره روعه يسلموووو الايادى على الكلمات اللى ملهاش وصف من جمالها وفعلا اليومين دول الناس غاب ضميرها ونسيو الحق ونسيو ان فى واحد شايفهم ومش بينسى لو مهما فات الزمن