زيك زيهم

كل يوم نفس الحكاية ...


ميت قصة وألف رواية ...


ابعد خلاص قربت تسبب فنايا ..


إنت ياللي من أول كلمة سرقت دنيايا ...


إنساني .. وارحم هوايا ..


ياما كنت السبب في هنايا ..


وفي الآخر طلعت زيك زيهم ..





أنا كنت فاكراك هتطلع غير ..


جيتلي بقلبك زي الطير ..


انا قولت هيطلع ليا فيك خير ..


أتاريك واحد منهم ..





قولتلي بحبك وعايزك ليا ..


عايزك تنوري لياليا ..


وانا من كتر غبايا إديتك كل ما ليا ..


قومت نستني وصحيت الجرح اللي فيا ..


أتاري غلطتي إني صدقتك زي ما صدقتهم ..





ياما انخدعت بكتير ..


وحلمت مع ألف راجل أطير ..


بس مش عارفة ليه حسيت بيك غير ..


شوفت فيك حياتي .. وسميتك أمير ..


أتاري اللي بيجري في دمك كدب زي اللي بيجري في دمهم ...





بعد منك قررت أعيش ..


ومليون قصة حب ما تهمنيش ..


أجرح عشان زيكم أعيش ..


أصل في الدنيا دي مكان للوفى ما فيش ..


واللي يصون الوعد صعب يعيش ..


واديني هابقى واحدة منكم ..





أخدع .. وأكدب وأبيع ...


وأنسى كل القلوب سريع ...


أضيّع اللي يحبني قبل ما ضيع ..


وفي النهاية .. هعيش ملكة على عرش دنيايا ..

مشكور على القصيدة دى يا همسة ومستنين منك كل جديد

مرسى جدا يا مادو وتسلم على الرد