القطر ماشى واخرتها

ساعات بنحس ان الدنيا دي زي القطر..والقطر ده يمشي
وبنقابل ناس
وناس تنزل من القطر ده وتركب قطر تاني
وساعات ناس تكون غالية علينا
تقرر فجأة تنزل من غير سبب وتسيبنا...

وفي ناس بتنزل بس مش بمزاجها
وناس تفضل معانا..وتفضل تخلينا نحلم نحلم نحلم
وفي الاخر..هيكون كابوس في الاخر...

وناس بنحبها بجد وربنا اللي عالم احنا كنا بنحبها ازاي
و هما يكونوا عارفين انو احنا بنحبهم اوي ومن بعادهم مش نعرف نعيش
وبردو سابونا...

مع انهم وعدونا
انهم مش هينسونا
ولا يسبونا


وناس تمر علينا
وتبقى جاية وعايزة تجرح فينا
فرحتها انها تشمت فينا

وناس تيجي وتعدي
ولا نحس انهم جوم ولا عدوا علينا
....

ساعات نفسنا ننزل من القطر ده
وناخذ قطر تاني مع ناس حبونا
بس عمر ما طريقنا كان طريقهم
...

وناس تخون وتمشي
وناس تكذب وتجري
والقطر ماشي..
وساعات تحب تنزل ترتاح في محطة
تقابل كل الانواع
وساعات تلاقي حبيب سابكوا زمان...
والقطر ماشي...
لغاية ماتوصل لاخر محطة
وحاجة من التانية
يا اما كنت عملت مشوار وفهمت واتعلمت
او انك تكون زي ما ركبت زي ما خرجت


مش عارفة انا بكتب ايه
بس انا لقيت نفسي بتطلع وبكتب

حد فاهم حاجة؟

اه انا فهمت
وعندك حق الدنيا ده زي القطر بس في اللي بكمل لاخر محطه وناس بتقف وتنزل
وفي ناس تقف مكنها ومتعرفش هي رايحه وفي ناس تخاف تكمل لحسن تتوه

وشكرا ليكي همسه علي الرساله