رخامه الشعب المصرى :D

فى أسئلة بديهية مالهاش اي لزمة في الدنيا
بنتعرض ليها كل يوم من كل الناس
خلـونـــا نشوف أمثلة

*******
إنت في أوضتك.. على السرير وطافي النور ومتغطي
ييجي أخوك الظريف ويفتح الباب عليك ويقول: ايه ده انت هتنام ولاّ ايه؟
(( أظن ده مش وضع الرقص!!! واضح ان انا هنام ))
*******
انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتـواااااااا؟
(( لا لسه ))
*******
والعكس: انت لابس هدومك ومتأنتك وعلى سنجة عشرة وريحة البارفان واصله لاخر الشارع.. وخلاص بتفتح باب الشقة,, يجي حد من أهلك وينادي بصوت عالي: انت خااااارج ولاّ اييييييييييه
(( ! لاء دانا لسه راجع ))
*******
أو مثلا راكب العربية ودوّرتها وخلاص هتطلع.. يجيلك لك البواب ويخبطلك على الزجاج,, انت بكل ذوق تفتح الزجاج وتقوله: خير في حاجة؟
يقولك: انت رايح الشغل يابيه؟
(( لا.. العربية واحشاني ))
*******
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون؟
[ لا هاخد معاه صورهimg][/img]

هههههههههههههههههههههههههههههههه على فكره انا بتضايق من الاسئله دى موت وفى سؤال كمان لما اكون نايمه ييجى خالى يصحينى بكل برود انتى نايمه ارد عليه اقله لا بأخد دش واحيانا يشوفنى بتكلم فى الموبايل يقولى بتتكلمى فى الموبايل بصراحه مش برد عليه اتخنق منه اقوم من جمبه واخلص من استهباله

ههههههههه ربنا يصبرك

» حتى الحرامى المصرى جدع
» المرأة فى عين وفكر ووجدان الأديب المصرى الراحل محمود البدوى