احلى موقف كوميدو فى حياتك

وانا هبتدى
انا عندى واحده صحبتى بحبها اوى هى طيبه اوى اوى فا قولت اعمل فيها مقلب صغنون كده انا جيت رقم جديد وهى مكنتش تعرفه فضلت مده ابعتلها رسايل على انى واحد معجب بيها ونفسه يتعرف عليها وهى تتصل وانا مش اعبرها عايزه تعرف انا مين وانا ولا بعبررها طبعا انا لحد دلوقتى مش قولتلها انه انا لانى لو قولتلها الله اعلم بقى ممكن وانا بقولها تحدفنى بحاجه فى وشى تجبلى عاهه مستديمه وانا خايفه على نفسى

هههههههههههههههههههههههه على فكره موقفك قريب من موقفى بالظبط انا عندى خالى اكبر منى ب((3))سنين هو عشرين سنه فضلت اكلمه على الموبايل ((4شهور)) على انى بنت بحبه واعرفه وكده وكنت بكلمه ميل ومقضيها هو وعايش على الاخر وبعد 4 شهور هو قالى عايز اشوفك وفضل يضغط عليا ياخساره كان نفسى المقلب يطول شويه بس مش مشكله كده كفايه روحت قابلته فى المكان المحدد وامصيبه كان مركب فى النيل ومقلكوش ايه اللى حصل بعد كده اول ما شافنى قالى انتى ايه جابك هنا قلتله بتفسح قالى واشمعنا المركب ده بالذات ((هو قلبه حس من نظراتى اللى مليانه ضحك على هبله)) بعد كده قلتله انا ميار قالى نعم يااخويا فضلت اضحك عليه هههههههههههههههههههههههه هو راح شايلنى ورمانى فى الميه حسبى الله ونعم الوكيل هههههههههههههههههههههههه بس بجد كان موقف يموت من الضحك هو اول ما عرف انه مقلب الدم غلى بعروقه واتنرفز وكانت دى رده فعله بس الحمد لله لقيت اللى نطو ورايا وطلعونى وهو كان واقف يتفرج ومستنينى اطلع علشان يزقنى تانى

على فكره انا وخالى ده اصحاب جدا يعنى انا بعتبره صحبتى المقربه لقلبى وهو بيعتبرنى واحد صاحبه وحتى بيعاملنى كده <<<<<<< يعنى ممكن يعزم عليا بسيجاره ((هزار طبعا)) بس فعلا بيعزم ولو قلت اه بهزار بيرمينى فى اى حاجه جمبه ممكن كبايه شاى بتفل وفيها بواقى سجاير جزمه جمبه اى شىء فى اوضته اللى بيبقى شكلها مقرف (( شبه مقلب الزباله))

الموقف اللى حصل ليا بقى كمقلب كان رد اعتبار من خالى بس قلب بجد خدنى معاه مصيف وسابنى فى اسكندريه وروح وخد معاه شنطه الملابس وخد كل فلوسى والموبايل وكل حاجه ((اهىء اهىء اهىء)) وسابنى فى الشقه نايمه وروح من ورايا وسابنى بالبيجامه بس انا بقى استغبيت وقلبت المقلب بجد مسكتش نزلت الشارع بالبيجامه (( كان منظرى هلاك ودمار)) والناس ضحكت عليا جدا ووقفت اول تاكسى وخليته يروحنى لحد البيت بالعافيه ورحت لحد بيت خالى وطلعت ليه فوق واول ما فتح الباب شافنى بالبيجامه وكان معاه اصحابه ((المقاطيع ربنا ياخدهم)) فضل يضحك عليا انا بقى اتعصبت ورميت الجاكيت فى وشه وزقيته وقلتله انزل حاسب التاكسى (( كنت متفقه مع بتاع التاكسى على ((90)) وهو كع دم قلبه ودخلت على عنده لقيته قص كل الهدوم وقطع البناطيل وبوظ كل حاجه (( ربنا ينتقم منه)) واضطريت انى افضل قاعده عنده فى مقلب الزباله بتاعه ((شقته)) 3ايام ومكنش بيرضى يخلينى استعمل التليفون وكان مخبى الموبايل بتاعى كان بيزلنى اخر زل وكان بيقفل عليا الشقه بالمفتاح ومكنش بيخرج خالص علشان يفضل يراقبنى ((ربنا ياخده)) وادى المقلب اللى حصل فيا بس كان اجمد مقلب

ههههههههههه ده انتوا مبهدلين بعض يا بنتى بس اخد بطاره جامد اوى منك

جامد جدا ومرتين المفترى مره يشيلنى يرمينى بالميه والتانيه يسيبنى فى اسكندريه بالبيجامه بس على فكره مش بنزعل من بعض

ميرسى يامادو يارب ما يحرمنى منه على قولتك وما يحرمنى منكو يااحلى اخوات واعضاء ومستنينك

ههههههههههههههههههههههههههههههههه انت قلتها عقل عيال صغيره حتى انا كنت من انواع الاطفال الفضوليه الاطفال الرخمه الللى تحط مناخيرها فى كل حاجه

كان عندى حب معرفة لكل حاجة لحد وقتا هذا الطبع دة فية

حب المعرفه ده طبع في كل الاطفال بس اهم حاجه يا ماااادو الواحد مئزيش نفسه