نكته ومن اول السطر

معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش.

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين .

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ.

مره واحد ندل حطوه وزير للصحه اول حاجه عملها غير رقم تليفون الاسعاف لرقم يتكون من 10 أرقام

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب حط ايده في جيبه لاقاه مخروم رجع يدور عليها لتكون وقعت

عريس مسطول على الآخر في يوم فرحه بعد المعازيم مامشيوا دخل البيت لقى العروسة قاعده قال والله انا كنت عارف في الهيصة دي هاينسوا حد!

مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه

مرة واحد مسطول ماشي بالليل الظابط قاله اركب ياض قاله شكرا البيت قريب
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

مره واحد بخيل قوى خبط فى حيطه اتعور جامد اوى وقعد ينزف
شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا


ركبو تكسي قالو له عايزين مصر الجديده

قال لهم 10 جنيه

قالو له حنعطيك 40 جنيه

قال لهم اطلعو<<<<<<<<وفي الطريق قال لهم عندي لغز

لو حليتوه مش عايز منكم حاجه

قالو هع قول >>>>>>>>>>قالهم

(ابوه ابويا وامه امي..يبقى مين)؟؟؟؟؟؟؟؟

قالو:خالك,,,,,,,,,,, قال :لع

قالو:عمك,,,,,,,,,, قال :لع

لما وصلو قالو له قلنا مين قال : اخوي



قام واحد وجري على العمده

ياعمده ياعمده <<<<<<< لو حليت اللغز ده

حاعطيك ساعتي الدهب ديه

قاله قووول

قال له (ابوه ابويا وامي امه يبقى مين)

قال : عمك,,,,,,,, قاله: لع

قال:خالك,,,,,,, قاله: لع

قال: يبقى اخوك,,,,, قاله :لع

قال:امال يبقى مين

قال : يبقى اخو السواق الي جابنا هنا ههههههههههههههههههه

هههههههههههههههههههههههههه اخو السواق اللى جابنا هنا يسلموووو ايديكى ياقمر